O Consello de Ministros aprobou o pasado venres un Real Decreto polo que se regula a venda a distancia de medicamentos veterinarios non suxeitos a prescrición obrigatoria.
Por razóns de seguridade, e sanidade pública e animal, limítase esta posibilidade de venda a aqueles medicamentos veterinarios que non están suxeitos á obrigatoriedade de prescrición veterinaria, tal como establece a Lei sobre medicamentos veterinarios que desenvolve este Real Decreto.
Os medicamentos cuxa venda a distancia se regulamenta, serán dispensados desde oficinas de farmacia e establecementos comerciais detallistas de venda de medicamentos veterinarios que notifiquen ás autoridades das Comunidades Autónomas nas que están situadas, o inicio desta nova canle de comercialización.
Todas as dispensacións estarán asesoradas polo farmacéutico responsable do centro dispensador que efectúa a venda, con obxecto de preservar a seguridade da súa utilización.
