O profesor do Departamento de Ciencias Clínicas Veterinarias da USC Germán Santamarina Pernas tomou posesión este luns 4 de xullo do seu cargo de decano da Facultade de Veterinaria. O acto protocolario, presidido polo Reitor Juan Viaño, tivolugar ás 13:00 horas na Vicerreitoría de Coordinación do Campus de Lugo.
Santamarina foi reelixido en maio para exercer outros catro anos como responsable do centro do campus lugués acompañado das profesoras Patricia Fernández Trocóniz Revuelta, en calidade de vicedecana de Calidade e Relacións Exteriores; Izaskun Ibarguren Arizeta como vicedecana de Organización Académica e Estudantes; Ana María López Beceiro vicedecana de Prácticas Externas e Infraestruturas; e Rafaela María Amaro González, que asumirá a secretaría académica.
