“O profesional que coida a túa mascota”, “O profesional que vixía a saúde dos animais no campo”, “O profesional que inspecciona os alimentos que compartes coa túa familia”.
A cadea Antena 3 emitiu recentemente a estrea do primeiro anuncio da campaña de difusión da profesión veterinaria que o Consello Xeral Veterinario puxo en marcha a nivel estatal. Son apenas vinte segundos de anuncio que se emitiron ás 21.40 horas, no intermedio do partido de fútbol entre o Barcelona e A Roma, disputado no Camp Nou en horario de máxima audiencia.
Este anuncio en televisión reforza as cuñas radiofónicas que desde finais do pasado mes de outubro xa están a emitirse en tres cadeas de radio (COPE, Onda Cero e SER) e a presenza que a organización terá en próximas datas en medios escritos e dixitais.
A iniciativa da OCV pretende achegar a profesión veterinaria ao gran público. O fío condutor da campaña incide nas súas catro actividades básicas: a sanidade dos animais de produción, a saúde e benestar das mascotas, a seguridade alimentaria e a investigación e control das zoonosis.
Información máis detallada poderá atoparse no próximo número da revista Información Veterinaria, de inminente publicación pola Organización Colexial Veterinaria Española.
